ЭРХЭМ ЗОРИЛГО

Хөдөөгийн үйлдвэрлэл, үйлчилгээ эрхлэгчдийн харилцан итгэлцэл, хамтран ажиллах сонирхолыг дэмжиж, хоршоолол хөгжих таатай орчинг бүрдүүлэхэд оршино.



Монголын ХАА-н хоршоологчдын Зүүн бүсийн зөвлөгөөн Дорнод аймгийн Халхгол суманд зохион байгуулагдлаа.

         “Төр хоршооллын хамтын ажиллагааг өргөжүүлэх нь” сэдвийн хүрээнд Дорнод аймгийн Халхгол суманд 2015 оны 07-р сарын 30-наас 08-р сарын 02-ний өдрүүдэд Сүхбаатар, Хэнтий, Говь-Сүмбэр, Дорнод, Дорноговь аймгуудийн 100 гаруй хоршоологчдыг оролцуулсан Зүүн бүсийн хөдөө аж ахуйн хоршоологчдын зөвлөгөөн амжилттай зохион байгууллаа.

   Зөвлөгөөний хүндэт зочидоор УИХ-ын гишүүн, Үндэсний холбооны ерөнхийлөгч Д.Сумъяабазар, УИХ-ын Төрийн Байгуулалтын Байнгын Хорооны дарга асан Ж.Сүхбаатар, Аймгийн ХХААГ-ын МАА-н хэлтсийн дарга Д.Наранхүү, Халхгол сумын засаг дарга В.Мөнхтайван,  Монголын ХАА-н хөгжил группын захирал Ц.Ренчинсэнгээ нар оролцож салбар худалдаануудын үеэр хоршоологчидтой санал бодлоо солилцов.  

 

    Зөвлөгөөний үеэр “Төр хоршооллын хамтын ажиллагааг өргөжүүлэх нь” үндсэн сэдвийн хүрээнд:

  1. “Хоршооны хөрөнгө санхүүгийн чадавхийг сайжруулах”
  2. “Хоршоод хоорондын хамтын ажиллагаа, аймгийн холбоодыг чадавхжуулах”
  3. “Хоршоодын бүтээгдэхүүн борлуулалтын сүлжээг идэвхижүүлэх”

гэсэн асуудлуудаар салбар хуралдаануудыг зохион байгуулж хоршоологчдоос гарсан санал санаачилгуудыг нэгтгэн, хэрэгжүүлэх ажлуудыг Үндэсний холбоо, аймгийн ХААХХолбоод, хоршоодын гэсэн гурван түвшинд хуваарилан, бодлогын баримт бичиг болон хэрэгжүүлэх ажлын төлөвлөгөөнд тусган ажиллахаар боллоо.

         Мөн Зүүн бүсийн хоршоологчид Байгалийн үзэсгэлэнт газар болох Буйр нууртай танилцаж, нуурын хөвөөнд зөвлөгөөнд оролцсон аймгуудын дунд элсний гар бөмбөг, олс таталт, хөгжөөнт буухай тэмцээнийг зохион байгуулж, 1-р байрыг Дорноговь аймгийн хоршоологчдын баг, 2-р байрыг Дорнод аймаг тус тус эзэллээ. Зөвлөгөөний үеэр хоршоологчдын дунд танин мэдэхүйн “АХА” уралдаант тэмцээн зохион байгуулж, 1-р байрт Дорноговь аймгийн “Талын нүргээн” хоршооны дарга н.Эрдэнэцэцэг, 2-р байрт Дорнод аймгийн “Элст цагаан тэмээт” хоршооны гишүүн Б.Ариунболд нар шалгарав.