“Хоршоологчид ковидын эсрэг” хандивын аян маань хаагдаж дүнг нэгтгэж танилцуулж байна. Аян албан ёсоор хаагдсан зарим хоршоод мөнгө хийсээр байсан тул өнөөдөр нэгтгэж гаргалаа. Үндэсний холбооны 2021.08.24-ны өдрийн ажлын албаны хурлаар шалгарсан аймгуудад дараах байдлаар амьсгалын аппарат, хүчилтөрөгчийн аппарат/ХТ өтгөрүүлэгч/-аа хүргэж гардуулж өгөхөөр шийдвэрлэлээ.Аяны болзлын дагуу 1-р байранд Говь-Алтай аймаг шалгарч аймгийн нэгдсэн эмнэлэгтээ амьсгалын аппарат, хүчилтөрөгчийн аппарат хандивлах эрх, 2-р байр буюу хамгийн олон хоршоологчидоо хамруулсан Сэлэнгэ аймгийн холбоонд хүчилтөрөгчийн аппаратаас гадна гишүүн хоршоологчдыг хамарсан үйл ажиллагааг Үндэсний холбооны зүгээс орон нутагт нь зохион байгуулах эрх, 3-р болзол буюу хамгийн их хандив өргөсөн 1 хоршооны 1 төлөөллийг гадаад оронд сургалт, семинарт хамруулах эрхийг Говь-Алтай аймгийн Дэлгэр сумын “Хөв дэлгэр” хоршоо хангасныг дуулгахад үнэхээр таатай байна.Хандивт зүрх сэтгэлээрээ нэгдэн идэвхтэй оролцсон хоршоологчид та бүхэндээ маш их баярлалаа.ХОРШООЛОГЧИД-ХАМТДАА ХҮЧТЭЙ