ЭРХЭМ ЗОРИЛГО

Хөдөөгийн үйлдвэрлэл, үйлчилгээ эрхлэгчдийн харилцан итгэлцэл, хамтран ажиллах сонирхолыг дэмжиж, хоршоолол хөгжих таатай орчинг бүрдүүлэхэд оршино.



“Ойн аж ахуйд суурилсан тогтвортой амьжиргаа” Үндэсний зөвлөлдөх уулзалт

Хөдөөгийн Тогтвортой Хөгжлийн Төлөө Азийн Фeрмeрүүдийн Холбооны захиалгаар “Ойн аж ахуйд суурилсан тогтвортой амьжиргаа” Үндэсний зөвлөлдөх уулзалтыг 2015 оны 07 дугаар сарын 08-ны өдөр Үндэсний холбоо өөрийн байранд зохион байгууллаа.

Зөвлөлдөх уулзалтанд төрийн болон төрийн бус байгууллагууд, аж ахуйн нэгж, ойн нөхөрлөлийн төлөөллүүд оролцож, БОНХАЖЯ-ны ойн бодлого зохицуулалтын газрын мэргэжилтэн, доктор Ц. Чулуунбаатар, “Ойн нөөц групп” ХХК-ны Гүйцэтгэх захирал Ч. Гэндэнжамц болон “Хүн төвтэй Байгаль хамгаалал” ТББ-ын төлөөллүүд үндэсний болон олон улсын түвшинд ойн талаар баримталж буй бодлого, хэрэгжүүлж буй ажлуудын талаар тус тус мэдээлэл, танилцуулга хийлээ.

 

 

 

Энэхүү зөвлөлдөх уулзалтын үeэр оролцогчид бүлгээр ажиллаж ойн аж ахуй эрхлэгчид, ойн баялгийг ашиглан амьжиргаагаа залгуулдаг иргэдэд тулгамдаад байгаа асуудлууд, тэдгээрийг шийдвэрлэх боломж, ойн аж ахуй эрхэлдэг аж ахуйн нэгжүүдийн бүтээгдэхүүн үйлдвэрлэл, дотоод гадаад зах зээлд гарах боломж, шинэ тeхник тоног төхөөрөмж, ноу-хау нэвтрүүлэх, үүнийг санхүүжүүлэх хөрөнгө оруулалт, зээл тусламжийн талаар хэлэлцэж харилцан санал солилцлоо.

Зөвлөлдөх уулзалтанд оролцогчид өөрсдийн саналуудыг нэгтгэн Зөвлөмжийн төслийг гаргасан бөгөөд эцсийн хувилбар нь 2015 оны 08 дугаар сард Мянмар улсад зохион байгуулагдах Ази-Номхон далайн бүсийн ойн аж ахуй эрхлэгчдийн чуулга уулзалтанд Монголын ойн аж ахуй эрхлэгчдийн дуу хоолой болон хүргэгдэх юм.